வானத்துப் பறவையின்
கால்தடங்களின் அருகில்
மனித செருப்புத் தடங்கள்
ஒருமித்து பறக்கத் துணிந்த
இரு பறவைகளின் இறகுகள்
மின்சாரக் கம்பியின் இடையில்
படபடக்கிறது
மழைத் தூவுகிறது
சொட்டுச்சொட்டாய்
பின் பிளிறலாய்
நனைந்த இறகுகள் மண்ணில் பதிந்து கிடக்கிறது
வானம் மிக அருகில் கேவுகிறது
தடங்கள் அழிந்த பாதை வழி
வழிந்தோடுகிறது
என்றென்றைக்குமான
மழையின் நீர்மை
கருத்துகள் இல்லை:
கருத்துரையிடுக