என் பாடல்கள் பாடப்படவே இல்லை
இரவின் கமகங்கள்
ஒரு தூறல் மழை போல அலைக்கழிகிறது
பகலின் மேகமற்ற வானம்
கால்களற்ற ஊர்வன போல
நகர்கிறது
அவள் முகமோ குரலோ வாசமோ ஏதும் இன்று இல்லை
ஒரு கதைப்பாடல் போல அவள் என்றோ உருமாறியிருந்தாள்
ஒரு வேண்டாத உறுப்பு போல இந்த இசைக் கருவியை வைத்திருக்கிறேன்
அதன் நரம்புகளில் இருந்து ஒரு பழைய பாடல்
பழுத்த இலை போல உதிர்கிறது
சருகுகளின் அடிப் பொழுதுகளில்
உறங்குகிறேன்
அவள் முகமோ குரலோ வாசமோ ஏதோ ஒன்று
கருத்துகள் இல்லை:
கருத்துரையிடுக