வியாழன், 11 ஜனவரி, 2018

ஜிப்கள்

ஜிப் ரிப்பேர் ஆன பைகளை
நாம் என்ன செய்து விட முடியும்.
என் முதுகுக்குப் பின்னால்
குடல் தள்ளிய
தன் நிர்வாணத்தைக் காட்டிச்
செல்லும் வீதியில்
எல்லோரது கண்களும்
பட்டும் படாமல் தழுவி நகர்கின்றன.
உள்ளறைகளின் ரகசியக்கதவுகள்
தடாலென திறந்து கொள்வதால்,
யாரும் நம்ப முயலவில்லை.
அது ஒரு அம்மணப் பிளவு என்று
அத்தனை அருவருப்பை முகத்தில்காட்டினாலும்,
அனிச்சையாய் அவர்களும்
தத்தமது பைகளைத்
திரும்பிப்பார்த்து
நிம்மதி  கொள்ளத் தவரவில்லை.
சிலர் தன் கால்சிராய் ஜிப்பையும் அழுத்தி
இழுத்துத் தடவிக்கொண்டனர்.
ஜிப்கள் இல்லாத உலகம் இருப்பின்,
அது எப்படி இருக்கும்.
ஜிப்கள் ரிப்பேர் ஆன பைகளை
யாரும் தன்னுடன் வைத்துக் கொள்வதில்லை போலும்.
ரிப்பேர்  செய்த பின்
அதை இழுத்துப் பார்த்து
எல்லாவற்றையும் சரி செய்து விடலாம் என்பது
நமக்கு நாமே
சொல்லிக் கொள்ளும்
ஒரு சாக்கு.

கருத்துகள் இல்லை:

கருத்துரையிடுக